ಕೂದಲು ಉದುರುವಿಕೆ ನಿಯಂತ್ರಣಕ್ಕೆ ಪೌಷ್ಟಿಕ ಬಯೋಟಿನ್ ಪೌಡರ್ ಕೂದಲು ಉದುರುವಿಕೆಗೆ ಕೇವಲ ಹೇರ್ ಕೇರ್ ರೊಟೀನ್ ಹಾಗೂ ಕೂದಲಿನ ಉತ್ಪನ್ನಗಳ ಬಳಕೆ ಮಾತ್ರವಲ್ಲದೆ, ದೇಹಕ್ಕೆ ಅಗತ್ಯವಾದ ಪೌಷ್ಟಿಕಾಂಶಗಳನ್ನೂ ಒದಗಿಸುವುದು ಮುಖ್ಯವಾಗಿದೆ. ಬಾದಾಮಿ, ಗೋಡಂಬಿ, ಪಿಸ್ತಾ, ವಾಲ್ನಟ್ಸ್ ಹಾಗೂ ಖರ್ಜೂರವನ್ನು ಮೊದಲು ಡ್ರೈ ರೋಸ್ಟ್ ಮಾಡಿಕೊಳ್ಳಬೇಕು. ನಂತರ ಪಂಪ್ಕಿನ್ ಸೀಡ್ಸ್, ವಾಟರ್‌ಮೆಲನ್ ಸೀಡ್ಸ್, ಕುಕುಂಬರ್ ಸೀಡ್ಸ್ ಮತ್ತು ಸನ್‌ಫ್ಲವರ್ ಸೀಡ್ಸ್ ಅನ್ನು ಡ್ರೈ ರೋಸ್ಟ್ ಮಾಡಿಕೊಳ್ಳಬೇಕು. ಮಖಾನ, ಒಣಶುಂಠಿ ಹಾಗೂ ಏಲಕ್ಕಿಯನ್ನೂ ಪ್ರತ್ಯೇಕವಾಗಿ ಡ್ರೈ ರೋಸ್ಟ್ ಮಾಡಿ, ಎಲ್ಲವನ್ನೂ ಮಿಕ್ಸಿಯಲ್ಲಿ ಹಾಕಿ ಅರ್ಧ ಕಪ್ ಕಲ್ಕಂಡು ಹಾಗೂ ಸ್ವಲ್ಪ ಕೇಸರಿ ಸೇರಿಸಿ ನುಣ್ಣಗೆ ಪುಡಿ ಮಾಡಿಕೊಳ್ಳಬೇಕು. ಈ ರೀತಿ ತಯಾರಿಸಿದ ಪೌಡರ್ ಅನ್ನು ಹಾಲಿನೊಂದಿಗೆ ಸೇವಿಸಬಹುದು.
Tag: ಅಡುಗೆ ಸುದ್ದಿ | Food Recipes in Kannada
Veg Shavige Bath | ಕ್ಯಾಟರಿಂಗ್ ಸ್ಪೆಷಲ್ ವೆಜಿಟೇಬಲ್ ಶಾವಿಗೆ ಬಾತ್ | Kannadigara Vani
ಕ್ಯಾಟರಿಂಗ್ ಸ್ಪೆಷಲ್ ವೆಜಿಟೇಬಲ್ ಶಾವಿಗೆ ಬಾತ್ ತಯಾರಿಸಲು ಅರ್ಧ ಕೆಜಿ ಶಾವಿಗೆಯನ್ನು ತೆಗೆದುಕೊಂಡು, ಕುದಿಯುತ್ತಿರುವ ನೀರಿನಲ್ಲಿ ಚೆನ್ನಾಗಿ ಬೇಯಿಸಿಕೊಳ್ಳಬೇಕು. ಬಾಣಲೆಯಲ್ಲಿ ಎಣ್ಣೆ ಹಾಕಿ ಸಾಸಿವೆ, ಕಡ್ಲೆಬೇಳೆ, ಉದ್ದಿನಬೇಳೆ ಹಾಕಿ ಒಗ್ಗರಣೆ ಮಾಡಿಕೊಳ್ಳಬೇಕು. ನಂತರ ಹಸಿಮೆಣಸಿನಕಾಯಿ, ಕರಿಬೇವು ಹಾಗೂ ಈರುಳ್ಳಿ ಸೇರಿಸಬೇಕು. ಮುಂದೆ ಕ್ಯಾರೆಟ್, ಬೀನ್ಸ್ ಮತ್ತು ಕ್ಯಾಪ್ಸಿಕಂ ಸೇರಿಸಿ, ಸ್ವಲ್ಪ ಉಪ್ಪು ಹಾಕಿ ಸುಮಾರು 70% ಮಾತ್ರ ಫ್ರೈ ಮಾಡಬೇಕು. ನಂತರ ಅರಿಶಿನ, ತೆಂಗಿನಕಾಯಿ ಮತ್ತು ಕೊತ್ತಂಬರಿ ಸೇರಿಸಬೇಕು. ಒಗ್ಗರಣೆ ಹಾಗೂ ತರಕಾರಿ ಸಿದ್ಧವಾದ ಬಳಿಕ ಬೇಯಿಸಿದ ಶಾವಿಗೆಯನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಕೊತ್ತಂಬರಿ ಸೇರಿಸಿ ಮಿಶ್ರಣ ಮಾಡಿದರೆ ರುಚಿಕರವಾದ ವೆಜಿಟೇಬಲ್ ಶಾವಿಗೆ ಬಾತ್ ಸಿದ್ಧ.
Khara Pongal Recipe in Kannada | ರುಚಿಯಾದ ಖಾರ ಪೊಂಗಲ್ | Kannadigara Vani
ಒಂದು ಕುಕ್ಕರ್‌ನಲ್ಲಿ 1 ಕಪ್ ತೊಳೆದ ಹೆಸರುಬೇಳೆ ಹಾಗೂ 1 ಕಪ್ ಅಕ್ಕಿ ಹಾಕಿ, ಕಡಿಮೆ ಉರಿಯಲ್ಲಿ ಸುಮಾರು 5 ನಿಮಿಷ ಹುರಿಯಬೇಕು. ನಂತರ 2 ಕಪ್ ನೀರು ಹಾಗೂ ಅರ್ಧ ಸ್ಪೂನ್ ಅರಿಶಿನ ಸೇರಿಸಿ 1–2 ವಿಷಿಲ್ ಬೇಯಿಸಬೇಕು. ಇನ್ನೊಂದು ಪ್ಯಾನ್‌ನಲ್ಲಿ ಸ್ವಲ್ಪ ತುಪ್ಪ, ಸಾಸಿವೆ, ಜೀರಿಗೆ, ರುಚಿಗೆ ತಕ್ಕಷ್ಟು ಹಸಿಮೆಣಸಿನಕಾಯಿ ಹಾಗೂ ಬೇಕಿದ್ದರೆ ಬೆಳ್ಳುಳ್ಳಿ ಹಾಕಿ ಒಗ್ಗರಣೆ ಮಾಡಬೇಕು. ನಂತರ ಕಾಳುಮೆಣಸು, ಕರಿಬೇವಿನ ಸೊಪ್ಪು ಹಾಗೂ ಇಂಗು ಸೇರಿಸಿ ಹುರಿಯಬೇಕು. ಇದಕ್ಕೆ ಬೇಯಿಸಿದ ಅಕ್ಕಿ-ಬೇಳೆ ಮಿಶ್ರಣ ಹಾಗೂ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಸುಮಾರು 5 ನಿಮಿಷ ಕುದಿಸಬೇಕು. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಯಾದ ಖಾರ ಪೊಂಗಲ್ ಸವಿಯಲು ಸಿದ್ಧ.
ABC Milk Powder | ಪೌಷ್ಟಿಕಾಂಶದ ಎಬಿಸಿ ಮಾಲ್ಟ್ ಪೌಡರ್ ತಯಾರಿ | Kannadigara Vani
ಆಪಲ್, ಬೀಟ್ರೂಟ್, ಕ್ಯಾರೆಟ್ ಹಾಗೂ ಡ್ರೈಫ್ರೂಟ್ಸ್ ಬಳಸಿ ಪೌಷ್ಟಿಕಾಂಶದ ಎಬಿಸಿ ಮಾಲ್ಟ್ ಪೌಡರ್ ಅನ್ನು ಮನೆಯಲ್ಲೇ ತಯಾರಿಸಬಹುದು. ಮೊದಲು ಕ್ಯಾರೆಟ್ ಮತ್ತು ಬೀಟ್ರೂಟ್ ತುರಿದು, ಆಪಲ್ ಅನ್ನು ಸಣ್ಣದಾಗಿ ಸ್ಲೈಸ್ ಮಾಡಿಕೊಳ್ಳಬೇಕು. ಇವುಗಳನ್ನು ಬಿಸಿಲಿನಲ್ಲಿ ಸುಮಾರು ಒಂದು ವಾರ ಚೆನ್ನಾಗಿ ಒಣಗಿಸಬೇಕು. ನಂತರ ಬಾದಾಮಿ, ಗೋಡಂಬಿ, ಪಿಸ್ತಾ, ಒಣ ಶುಂಠಿ ಹಾಗೂ ಸ್ವಲ್ಪ ಏಲಕ್ಕಿಯನ್ನು ಪ್ರತ್ಯೇಕವಾಗಿ ಡ್ರೈ ರೋಸ್ಟ್ ಮಾಡಿಕೊಳ್ಳಬೇಕು. ಮಿಕ್ಸಿಗೆ ಡ್ರೈ ರೋಸ್ಟ್ ಮಾಡಿದ ಪದಾರ್ಥಗಳು, ಒಣಗಿಸಿದ ಬೀಟ್ರೂಟ್, ಕ್ಯಾರೆಟ್ ಹಾಗೂ ಆಪಲ್ ಹಾಕಿ, ಕಲ್ಕ ಸಕ್ಕರೆ ಸೇರಿಸಿ ನುಣ್ಣಗೆ ಪುಡಿ ಮಾಡಿಕೊಳ್ಳಬೇಕು. ತಯಾರಾದ ಪುಡಿಯನ್ನು ಒಂದು ಲೋಟ ಹಾಲಿಗೆ ಒಂದು ಸ್ಪೂನ್ ಹಾಕಿ ಸೇವಿಸಬಹುದು. Buy Online: https://link.amazon/B0aNQGFym
Hagalakayi Gojju / Bitter Gourd | ಕಹಿ ಕಡಿಮೆ ಇರುವ ಹಾಗಲಕಾಯಿ ಗೊಜ್ಜು | Kannadigara Vani
ಹಾಗಲಕಾಯಿಯಿಂದ ಈರುಳ್ಳಿ, ಬೆಳ್ಳುಳ್ಳಿ ಬಳಸದೆ ರುಚಿಯಾದ ಗೊಜ್ಜು ತಯಾರಿಸಬಹುದು. ಮೊದಲು ಹಾಗಲಕಾಯಿಯನ್ನು ಕತ್ತರಿಸಿ, ಸ್ವಲ್ಪ ಉಪ್ಪು ನೀರಿನಲ್ಲಿ ನೆನೆಸಿ ನಂತರ ತೊಳೆದುಕೊಳ್ಳಬೇಕು. ಮಿಕ್ಸಿಗೆ ಅರ್ಧ ಕಪ್ ತೆಂಗಿನ ತುರಿ, 5–6 ಒಣಮೆಣಸಿನಕಾಯಿ, 1 ಸ್ಪೂನ್ ಜೀರಿಗೆ ಹಾಗೂ ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಬೇಕು. ಪ್ಯಾನ್‌ಗೆ ಸ್ವಲ್ಪ ಎಣ್ಣೆ ಹಾಕಿ ಸಾಸಿವೆ, ಉದ್ದಿನಬೇಳೆ ಹಾಗೂ ಕರಿಬೇವಿನ ಸೊಪ್ಪು ಹಾಕಿ ಒಗ್ಗರಣೆ ಮಾಡಬೇಕು. ನಂತರ ಕತ್ತರಿಸಿದ ಹಾಗಲಕಾಯಿ ಮತ್ತು ಸ್ವಲ್ಪ ಅರಿಶಿನ ಸೇರಿಸಿ ಹುರಿಯಬೇಕು. ಅರ್ಧ ಕಪ್ ಹುಣಸೆ ರಸ, ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ 1 ಸ್ಪೂನ್ ಬೆಲ್ಲ ಸೇರಿಸಿ ಬೇಯಿಸಬೇಕು. ನಂತರ ತಯಾರಿಸಿದ ತೆಂಗಿನಕಾಯಿ ಪೇಸ್ಟ್ ಸೇರಿಸಿ, ಕಡಿಮೆ ಉರಿಯಲ್ಲಿ ಸುಮಾರು 10 ನಿಮಿಷ ಬೇಯಿಸಬೇಕು. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಯಾದ ಹಾಗಲಕಾಯಿ ಗೊಜ್ಜು ಸವಿಯಲು ಸಿದ್ಧ.
Aloo Mutter Masala | ಚಪಾತಿ ಜೊತೆ ರುಚಿಯಾದ ಆಲೂ ಮಟರ್ ಮಸಾಲಾ | Kannadigara Vani
ಚಪಾತಿ ಅಥವಾ ಪೂರಿ ಜೊತೆ ಸವಿಯಲು ರುಚಿಯಾದ ಆಲೂ ಮಟರ್ ಮಸಾಲಾವನ್ನು ಸುಲಭವಾಗಿ ತಯಾರಿಸಬಹುದು. ಮೊದಲು ಕುಕ್ಕರ್‌ನಲ್ಲಿ ಎಣ್ಣೆ ಹಾಕಿ 1 ಸ್ಪೂನ್ ಜೀರಿಗೆ ಹಾಗೂ 1 ಕತ್ತರಿಸಿದ ಈರುಳ್ಳಿ ಹಾಕಿ ಬಾಡಿಸಬೇಕು. ನಂತರ 1 ಸ್ಪೂನ್ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹುರಿಯಬೇಕು. ಕತ್ತರಿಸಿದ 1 ಟೊಮೆಟೊ, 1 ಸ್ಪೂನ್ ಖಾರದ ಪುಡಿ, ಅರ್ಧ ಸ್ಪೂನ್ ಧನಿಯಾ ಪುಡಿ, ಒಂದು ಚಿಟಿಕೆ ಅರಿಶಿನ, ಅರ್ಧ ಸ್ಪೂನ್ ಗರಂ ಮಸಾಲಾ ಹಾಗೂ 1 ಸ್ಪೂನ್ ಉಪ್ಪು ಸೇರಿಸಿ ಚೆನ್ನಾಗಿ ಹುರಿಯಬೇಕು. ನಂತರ ಕತ್ತರಿಸಿದ ಆಲೂಗಡ್ಡೆ ಹಾಗೂ 1 ಕಪ್ ಹಸಿ ಬಟಾಣಿ ಸೇರಿಸಿ ಸ್ವಲ್ಪ ಹುರಿಯಬೇಕು. ಬಳಿಕ 1 ಕಪ್ ನೀರು, 1 ಸ್ಪೂನ್ ಕಸೂರಿ ಮೇಥಿ ಹಾಗೂ 2 ಹಸಿಮೆಣಸಿನಕಾಯಿ ಹಾಕಿ ಕುಕ್ಕರ್ ಮುಚ್ಚಿ 2 ವಿಷಿಲ್ ಬೇಯಿಸಬೇಕು. ಕುಕ್ಕರ್‌ನ ಪ್ರೆಶರ್ ಇಳಿದ ನಂತರ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಯಾದ ಆಲೂ ಮಟರ್ ಮಸಾಲಾ ಸವಿಯಲು ಸಿದ್ಧ.